"Алтын" көлігімен елді шулатқан Қайрат Нұртастың інісі болып шықты (видео)

Қайрат Нұртастың анасы әлеуметтік желіге жүктеген видео жұрттың пікірін сан-саққа жүгіртті. "Алтын" көлікте отырған ұлын халыққа көрсетпек болған продюсердің басы дауға қалды.
"Алтын мәшинеде Аяным, ағайындар еркелетіп Каена деп тұрғаны", - деп жазды Гүлзира Айдарбекова жеке парақшасында.

"Интернетті шулатып жатқан сіздің той екен ғой", - деп ойын ортаға салды Гүлсара есімді жазылушы.

Сол-ақ екен, ғаламтор қолданушылары көліктің маркасын білу мақсатында өзара сөз жарыстырып кетті. Бірі BMW десе, енді бірі Merсedes-ке ұқсатып, соңында бәрі Bentley деген тоқтамға келді.

Айта кетейік, жақында ғана Гүлзира Айдарбекова Instagram желісінде қара шаңырақта, қайынағасының ұлының құдалығын өткізгені туралы хабарлаған болатын. Той сәттерінен бірнеше суреттер мен видео жүктеген еді.