Алтынай Жорабаеваның күйеуін көп айтпауы оқырмандардың күдігін туғызды
Алтынай Жорабаеваның күйеуі Сәбит туралы желіде көп жазбауы көпшіліктің күдігін туғызды деп хабарлайды NUR.KZ.
Бүгін әншінің жары Сәбит Әбдіхалықовтың жүрек талмасына ұшырап, ауруханаға түскені хабарланды. Алайда, сүйіктісі туралы көптен бері тіс жармай жүрген Алтынай жолдасының амандығын тілемек түгілі, оның суреттерін де желіге салмайтын болған.
Әрине, бұл ештеңеге себеп емес. Десек де, әншінің тыңдармандары Сәбит Әбдіхалықов туралы сұрақтарын жасыра алмаған.
"Алтынай, сұрағаныма ренжіме, Сәбит көрінбейді ғой?! Әлде қазақ санын көбейтем деп балаларын әр жерге тарыдай шашып жүр ме?", "Сіз туралы сұмдық әнгіме естідім бүгін. Бірақ сенбедім. Сіздер шынымен айрылысып кеттіңіздер ме? Бұл жай ғана өсек деп ойлаймын", "Сіз осы қыдырасыз да жүресіз, күйеуіңіз қайда?", - деген сыңайдағы пікірлерді Алтынайдың парақшасынан көп табуға болады.
Еске сала кетейік, соңғы кездері Алтынай Жорабаева қыздарымен бірге Астанада тұрып жатыр. Ал Сәбит Әбдіхалықов Алматыдағы Жастар мен балалар театрына жетекшілік етеді.
