Алуа Қонарова "тізерлеу керек" деген Божкоға жауап берді
Отандық танымал продюсер Алуа Қонарова мәжіліс төрағасының орынбасары Владимир Божкоға қарапайым халықтың қалай өмір сүріп жатқанын көріп қайтуға кеңес берді. Шоу-бизнес өкілі депутаттың жасаған мәлімдемесіне қарсы шығып, оған қатысты пікір білдірген деп жазады KAZ.NUR.KZ.
Өзінің ашулы жазбасын Алуа Қонарова Instagram парақшасында жариялаған. Онда продюсер шенеунікке қымбат бағалы киімін шешіп, ауыл-ауылды аралап шығуын сұраған.
"Депутат Божко халықтың өмірін жақсартуға айтарлықтай әділ талаптары бар деп үзілді-кесілді пікір білдірген. Жұмсартып айтқанда. "Қорада тұру" - адамдардың емес, жануарлардың ісі. Әлде, сіз, Божко мырза ақыр-соңы өзіңіздің бізге деген шынайы қарым-қатынасыңызды көрсетіп тұрмысыз?
Мүмкін, сізге қымбат депутаттық костюміңізді тастап, ауыл-ауылды, тіпті қала сыртын аралап, халықтың қалай өмір сүріп жатқанын көріп қайту керек шығар? Тапқаны бес тиын, несие мен қарызға белшеден батқан? Тоқ бала аш баламен ойнамайды! Қорада екі сиыр тұр, сыймаймыз" , - деп жазды Қонарова.
