«Алып піл» бала тәрбиесіне оң әсер етпек

Мультфильм арқылы балаларды жат діни ағымдардан сақтандыруға болады. Осы мақсатты көздеген шымкенттік аниматорлар жаңа туындыны жарыққа шығарды.
«Сақ» студиясы түсірген «Алып піл» ат­ты мультфильмінің алғашқы сериясын ба­лалар емес, облыстың аудан-қалалары­нан жиналған имамдар көрді. Аниматор­лар осылайша туындыларын көпшілікке ұсы­нылар алдында дін өкілдерінің тал­қысына салуды жөн санапты. «Алып піл» тарихта «Піл оқиғасы» деген атпен қалған Пайғамбарымыз (с.ғ.с.) туылған 570-жы­лы болған оқиғаның желісімен түсірілген. Аниматорлар 12 минуттық туындыны жа­сауға үш ай уақыт жұмсаған екен. Мульт­фильмнің сценарисі – Қазақстан анима­тор­лары ассоциациясының төрағасы Ба­тыр­хан Дәуренбеков демеушілер табылып жатса, діни, танымдық туындылардың қа­та­рын көбейтеміз деп отыр. Авторлар мұн­дай туындылар бала тәрбиесіне оң әсер ететініне сенімді.