Ақындардан SМS аямаңыз!

«Хабар» арнасында «Жастар жырлайды» деп аталатын айтыс өнерін әспеттеген жаңа бағдарлама осы жылдың қыркүйек айының 11-інен бастап әр жексенбі сайын 15.30-да көрсетіліп келеді.
Жеңімпаз ақындар көрерменнің SМS дауыс беруі арқылы анықталып отырады. Апта сайын оза шапқан ақын жеңімпаз атанып, келесі кезеңге жолдама алады. Kcell байланыс компаниясы арқылы дауыс­тар айтыс эфирден өткен күннен бастап үш тәулік ішінде жинақталып, арнайы комис­сияның отырысында анық­та­лады.
Айтысты талантты журналист, ақын, «Дарын» мемлекеттік жастар сыйлығының иегері Жанарбек Әшімжан мен белгілі әнші, сазгер Роза Әлқожа жүргізеді.
Жоба жетекшісі – белгілі тележурналист Арман Сқабылұлы.
Ел Тәуелсіздігінің 20 жылдығына арнал­ған «Хабар» агенттігі мен «Заңғар» шығар­машылық бірлестігінің бірлескен «Жастар жырлайды» атты айтыскер ақын­дардың тележобасында алдағы бағдар­ламада сөз сайыстыратын арқалы ақында­рымен таныс болыңыздар:

Сөз жүйріктеріне дауыс беру үшін 6010 нөміріне ZH әрпін міндетті түрде теріп, одан кейін бос орын қалдырып, ұнаған ақыныңыздың реттік нөмірін жазып жібері­ңіз.
Аталмыш тележобаның болып өткен бірінші және екінші бағдарламасы бойын­ша Манас Қайыртайұлы (ШҚО) мен Қанат Мырзаханұлы (Жамбыл облысы), Қажымұ­қан Абзалов (Оңтүстік Қазақстан облысы) пен Алтынбек Ибрагимов (Алматы облы­сы) секілді ақындарымызды «Жастар жыр­лайды» тележобасының ІІ кезеңінен көретін боламыз.
Жаңа көзқарастағы жас буынның орам­ды ойлары мен ұтымды пікірлері таласқа түсетін айтыстың көрермені болып, ұлттық өнерімізді асқақтатайық.