«Ақжүніс-Астана» жарық көрді

Еліміздің ақпарат кеңістігі тағы бір ерекше басылыммен толықты.  Жуырда ғана Алматыдағы Ұлттық баспасөз клубында тұсауы кесіліп, алғашқы саны халыққа тарап үлгерген журнал   «Ақжүніс – Астана» деп аталады.
Жаңа журналдың бетінде белгілі қоғам қайраткерлерінен бастап, қарапайым адамдар да өз ой-пікірлерін бере алады. Бұл басылымды атына қарап, тек қыз-келіншектерге арналған деп түсіну қате. Мұнда қазақ қоғамының бүгінгі рухани тыныс-тіршілігі барынша қамтылатын бо­лады. Әзірге басылымның тұрақты де­меу­шісі жоқ. Сондықтан да «Ақжүністің» ал­ғаш­­­қы саны бес мың данамен ҚР Па­р­­­ламент Мәжілісінің  депутаты, Атым­тай­дай жомарт азамат Нұртай Са­билья­новтың демеушілігімен жарық көр­ген­дігін айта кеткен жөн.
Сәу­ле Әбединова, «Ақжүніс–Астана»  журналының бас редакторы:
– Журналды шығарудағы басты мақсат – болашаққа ұмтылу. Көпшілік­тің сұранысымен шыққан бұл журнал болашақта да жұмысын тоқтатпайды. Жобамыздың халықтан қолдау тапқан себебі бұл журнал кезінде талай  көрер­меннің  көңілін жаулаған  «Қазақстан» ұлт­тық арнасынан көрсетілген  «Ақ­жүніс» бағдарламасының қағаз бетін­де­гі жалғасы іспетті. Бағдарламаның жа­был­ғанына алты жыл болса да, «Ақ­жү­ністі» көп ешкім ұмыта қойған жоқ. Жал­пы, журнал шығарудағы басты мақ­сатымыз – шамамыз келгенше қа­зіргі уақыттағы сырттан келетін ақ­па­рат­тық экпансияға қарсы тұру. Осы орайда біз қазақ оқырманы үшін ая­нып қалмайтындығымызды баса айт­қым келеді.