"Армани" аң терісінен киім тігуден бас тартты
Осы мәселеге байланысты таратылған мәліметтерге сүйенсек, компания өкілдері 2016-2017 жылдардың күз/қыс маусымдарына арналған киімдерінің барлығы «fur free» белгісімен шығады. Бұл термин сәнді киімдер әлемінде өзі өндірген өнім құрамында аң терісінің жоқтығын білдіреді.
«Соңғы жылдарда болған технологиялық прогресс бізге табиғи теріге балама табудың мүмкіндігін туындатып отыр. Бұл жағдай аңдарды себепсіз қырып-жоюдың алдын алуға жағдай жасайды. «Армани» маркасы бүгін қоршаған орта мен жануарларды қорғау тұрғысынан алғанда, маңызды таңдау жасап отыр», - делінген Джорджио Арманидың өзі қол қойылып таратылған баспасөз мәліметтерінде.
Айта кетейік, «Армани» киім дайындау үшін аң терілерін пайдаланудан бас тартып отырған жалғыз компания емес. Әйгілі The Beatles тобының мүшесі, модельер Стелла Маккартни аң терісі мен жүнін пайдалануға түбегейлі қарсы адамдардың бірі.
Сонымен қатар, люкс класындағы Hugo Boss, Tommy Hilfiger және Calvin Klein сынды киім үлгілері де «fur free» сертификатын алған, деп жазады tass.ru.
