«Астана» арнасында «Қош келдіңіз!»

«Астана» арнасында жаңа жоба дүниеге келді. «Қош келдіңіз!» деп атауы айтып тұрғандай, аталған жобада қазақи отбасының шаңырағына түрлі қонақтар келіп, сырларымен бөліседі. Бұған дейін де мұндай жобалар болған. Бірақ, «Қош келдіңіздің» ерекшелігі сол-әзіл-қалжыңға көбірек көңіл бөледі. Отбасындағы күнделікті тірлік те халқымыздың түрлі қағытпа қалжыңдарымен өріліп отырады. Ат-ене, бала-келін арасындағы қарым қатынастар қазақтың дәстүрінен алшақ кетпей, тәрбиелік әңгімелер төңірегінде құралған.

-«Қош келдіңіз!»-қазақи қалжыңдарға құралған отандық ситком!-дейді жоба продюсері Жадыра Сқабыл,-Әрине , кемшіліксіз дүние болмайды. Көрермендеріміздің кейбір ескертпелерін ескеріп, болашақта бағдарламаны одан да әрі жақсарта түсу ойымызда бар.