Асхат Садырбай екінші рет отау құрды (фото)

12 қазанда танымал тележүргізуші, журналист Асхат Садырбай Айғаным есімді бойжеткенмен отау құрды. Бұл қуанышымен Асхат Instagram парақшасында жазылушыларымен бөлісті, деп хабарлайды NUR.KZ.
Жас жұбайлардың киім үлгісі мен той безендіруіне ақ түс пен көгілдір түс (Тiffany blue) таңдалған.
Асхаттың көрермендері тележүргізушінің аккаунтына қос ғашыққа арнап толассыз құттықтауларын жолдаған.

“Аллаға шүкiр той өттi! Келген қонақтарға мың алғыс, сiздер де той көрiңiздер! Тойды НТК арнасындағы “Ревю” және Астана арнасындағы “Ел аузында” бағдарламаларынан тамашалай аласыздар!”, – деп алғысын білдірді танымал журналист жазылушыларына.
Асхат пен Айғанымның тойында өнер иелерінен Ринат Тәттібай, Ұлықпан Жолдасов, әнші Мөлдір Әуелбекова, Бейбіт Көшқалиев, Нұржан Тәжікенов, “Жігіттер” тобы, теле-радио жүргізуші Гүлбаршын Заирова және басқа да қазақстандық жұлдыздар болды.
Еске сала кетейік, Асхат Садырбай алғаш рет ел арасында “сыған қызы” атанып үлгерген жас әнші Ерке Есмаханмен жұптасқан болатын. Олардың ортақ бір ұлы бар.
 nur.kz