Бабаларымыз жібек жасаудың құпиясын қалай ашқан?
Бексұлтан Нұржеке ағамыздың жазуынша, ертеде түркілер жібек матасының қалай жасалатынын білу үшін пысық бір жігітті Қытайға сапарға аттандырған көрінеді.
Ол барған жерінде қолаң шашты бір қызға үйленеді де, оның шашын ұп-ұсақ қырық өрім етіп өргізеді. Сөйтіп, әр өрімнің түбіне бір, ұшына бір жібек құртын тығып, сексен жібек құртын Қытай елінен алып өтіп, еліне әкеледі. Осылайша түркілер бұрымның көмегімен жібек мата жасаудың құпиясын ашады. Аңыз-әңгімеге сенсек, содан бастап түркілерде қыз-келіншектердің бұрымын ұсақ етіп өру дәстүрге айналған екен. Ол ұлттық салт болып қалыптасқан. Негізінен көшпелілердің қыздары шашын жұп етіп өрген екен. Этнограф-жазушылардың айтуынша, бұрымның жұп болатын сыры: бұл бір жағынан бұрымды көзді сүріндірерліктей әдемі етіп көрсетуге себепкер болса, екіншіден әрбір қыз бала жұп болып, жұптасып өмір сүруге жаратылған жан екендігін меңзесе керек. Бұл бар болғаны Нұржан Қалжанның эфирде орындалған "Бұрымы ұзын қарындас" әнінің алдындағы айтқан әлқиссамыз болатын.
Жанар Оразымбет
Facebook
