Баян Мақсатқызы өзін ажалдан арашалап қалған дәрігерлерге алғыс айтты (фото)
Баян Мақсатқызы 2016 жылдың 10 маусымында орын алған ауыр жағдайда дәрігерлік көмек көрсетіп, өзін өлім аузынан аман алып қалған Талғар аудандық емханасы қызметкерлеріне арнайы барып, алғыс айтты деп хабарлайды NUR.KZ.
Бұл туралы продюсер Instagram парақшасында мәлімдеді.
"Осы кісілердің арқасында бір жыл бұрын мен тірі қалдым. Бүгін Талғар қаласындағы емхана дәрігерлеріне алғыс айтуға келдім. Өмір үшін рахмет!", - деп жазған ол.
Баян дәрігерлерге құр алақан бармай, раушан гүлдерін сатып алғанын да айтады.
"Гүл сататын дүңгіршекке кіріп, жүз бір раушан гүлін алмақшы болғанбыз. Онда бар-жоғы қырық үш раушан қалыпты, тура менің қазіргі жасымдай, міне сәйкестік.
Тағы да менімен сол күні бірге болған, қайта өмір сүруге, сүюге мүмкіндік берген әрбір жанға алғыс айтамын. Еліміздегі барша дәрігерлердің келе жатқан мейрамдарымен. Дендеріңіз сау болсын!", - деген Баян Мақсатқызы.
