Белгілі қазақ жазушысы "Мен жындымын" атты кітап жазып шықты
Кітап авторы. Скриншот: нтк арнасы
«Мен жындымын» атты роман былтырғы «Алтын қалам» әдеби байқауында бас жүлде алып, 1 000 000 теңге еншілеген еді. Биыл бұл шығарма байқау ұйымдастырушыларының ат салысуымен кітап болып басылды.
Авторы Тұрысбек Сәукетаев әдеби еңбегінің атауын жарнама жасау мақсатында қоймағанын айтады.
"Мен жындымын дегенім... Айтып жатады ғой, "шындықты тек бала мен жынды айтады" деп. Бүкіл қоғамдағы құбылыстардың бәрін жындының көзімен қарап, соның сөзімен саралап, сол арқылы бердім", - дейді автор.
Бүгінгі қазақстандық кітап дүкендерінің сөрелерін шетелдік авторлар мен олардың еңбектері жаулап алған.
«Бұл отандық қаламгерлер шабытының аздығы емес. Керісінше, нарық заманы қазақ әдебиетіне деген сұранысты өшірді», — дейді «Алтын қалам» байқауының жетекшілері.
ntk.kz
