Біреулер киноға төсек арқылы келсе, біз төбелес арқылы келдік - Қайрат Әділгерей
Қайрат Әділгерей мен Жахан Өтепбергеннің рөлге таласы көрерменнің көз алдында өтті. Бірі мұны кино жарнамасы ретінде қабылдады, бірі хайп деп айыптады. Ал, актер Қайрат Әділгерей киноға төбелес арқылы келдік деп әзілдеді деп жазады stan.kz тілшісі.
Әзіл әлемінің екі жұлдызы Қайрат пен Жахан Нұрлан Қоянбаевтың киносынан дәмелі. Кино картинадан бірі Қайратты, бірі Жаханды көргісі келеді. Ал, продюсер Қоянбаевтың өзі екеуін де бөліп жармайтынын айтқан еді.
"Елдің бәрі киноға басты рөлге төсек арқылы келіп жатса, біз төбелесіп келді. Тө,елес арқылы қабылдандық", - деп әзілдеді Әділгерей Нұрлан Қоянбаевпен тікелей эфир кезінде.
Желідегі эфирде әңгімелескен екі әзілкеш көрермендерін күлкіге қарық қылды.
Бұған дейін Қоянбаева қазақ киносының түрік тіліне аударылып, Түркияда түсірілетінін айтқан болатын. Алдағы уақытта киноның түсірілімі жоспарланып отыр.
"Қайрат та, Жахан да мықты. Екеуін де көргіміз келеді", "Жахан барлық киноға түсе берсе қызық емес, ерекшелік болу керек, актерлерді ауыстыру керек", "Қайратты алса екен, бәріміз жақсы көреміз", "Жахан жас болса да, күлдіре алады", - деді желідегі көрермен.
