Дәурен Айдарқұлов пен Ақбота Сейітмағамбет заңды түрде некесін қиды (фото)
Дәурен Айдарқұлов пен Ақбота Сейтімағамбеттің «Гламур для дур» фильмінен басталған қарым-қатынасы көпшіліктің назарында. Осыны білетін жұлдыздар махаббаттарын пиарға айналдырған тәрізді. Бір ажырасып, бір қосылған екеуінің қарым-қатынасы көпшіліктің басын қатырды. Бұған дейін ажырасқандарын айтқан ғашықтардың бұл жолы заңды некесін қиғаны белгілі болды.
Gakku TV арнасының Instagram желісіндегі парақшасында Дәурен мен Ақботаның заңды некесін қиған сәтінің суреті жарияланды, деп хабарлайды Stan.kz.
«Ақбота-Нұр Сейтмағамбет пен Дәурен Айдарқұлов бүгін ресми түрде некелесті. Шын жүректен құттықтаймыз! Бақытты болыңыздар!» – деп жазылған арнаның парақшасында.
Сонымен қатар Ақбота Сейітмағамбеттің өзі де Instagram-парақшасында неке кезіндегі ақ көйлек киіп отырған суретін жариялады.
Өз кезегінде желі қолданушылары Дәурен мен Ақботаға кезекті мәрте бақыт тілеп, бұл жолғы некелерінің баянды болуын тілесті.
