Ел көзінен жасырынып жүретін атыраулық миллионердің ұлы жұртқа әйелін көрсетті (фото)
Иелігінде қымбат көліктерден тұратын жеке топтамасы бар Михаил Байтазиев осы уақытқа дейін өзінің түрін көрсетуден қашатын. Бірақ жақында ғана оның желідегі парақшасында оның суреттері пайда болды деп хабарлайды ZTB.kz.
Миллионердің ұлында Bugatti Veyron, Mercedes-Benz G-Class, Ferrari F12 Bernalietta, Mercedes-Benz CLS 63 AMG секілді құны қымбат автокөліктер бар. Бұл көліктер басқа еш жерде жоқ. Олардың барлығына ол "ҚaЗақ" деген ат қойған.
Ұзақ уақыт бойы Байтазиевтің ұлы өзінің желідегі парақшасына қымбат көліктерінің ғана суретін салып, өзі көпшілікке түрін көрсетуден қашқақтап жүретін. Бірақ, енді көпшілік бұл жас жігіттің түрін көру "мәртебесіне" ие болды. Себебі, ол желіге суретін салды. Ол бұл жолы тек өзін ғана емес, әйелін де жұртқа таныстырды.
Ол көліктерді өзіне ғана, емес әйеліне де сыйға тартқанды ұнатады екен. Енді оның жұбайы "Бентлимен" қыдыратын болды. Сондай-ақ, оның көлік топтамасы жаңа көлікпен толықты. Жасыл түсті айрықша "Мерседес" оның гаражының сәніне айналды.
Еске салсақ, Михаил Байтазиев - қазақстандық миллионер Талғат Байтазиевтің ұлы. Кезінде Байтазиев қазақстандық ірі мұнай-газ компанияларын басқарған. Ал қазір ол Украинада тұрады. Миллионердің ұлы немен айналысатыны белгісіз.
