Еліміздегі дәстүрлі әншілердің қызы ел алдында санын жалаңаштап шықты (фото)

Қазақстандық шоу-бизнесте өз орны бар Құдайбергеновтер отбасынан тағы бір жұлдыз шықты. Өнер саласында жүрген ағаларының артынан еріп, жұлдызды жанұядағы жалғыз қыз да әншілікке бет бұрған. Алайда, оның таңдаған бағыты дәстүрлі ән салатын ата-анасына мүлде қарама-қайшы болып шыққан деп жазады "Гу-гу-лет" бағдарламасына сілтеме жасаған KAZ.NUR.KZ.

Салтанат - танымал Қанат және Айткүл Құдайбергеновтердің жалғыз қызы. Қаржы мамандығына оқуға түскен ару оны тәмамдаған соң бұл салада қызмет еткісі келмеген.

Өнерлі отбасыда туып-өскен ол өз өмірлік жолын шоу-бизнеспен байланыстыруға бет алған. Өнер академиясына оқуға түсіп, әншілігін әбден шыңдаған Салтанат бүгінде жеке дара әртіс ретінде алғашқы қадамын жасаған.

Ел алдында ұлттық киіммен ән салып жүретін ата-анасы мен рухты өлеңдерімен танылған Ерболат ағасына қарағанда бойжеткен заманауи бағытты таңдаса керек.

"Қан жібермейді екен. Әнші әрі сазгер ағаларым сияқты менде де ұйқасты таба білу өнерім бар екен. Бірінші әнімнің сөзін өзім жаздым. Өз өмірімнен алдым" , - деді Салтанат Құдайбергенова.