Елордалық екі басылымның жаңа сандары жарық көрді

Елордалық «Астана» және «Астана плюс» басылымдарының жаңа сандары жарық көрді. Еліміздегі бас қаланың тыныс тіршілігі мен елдік мұраттар мен тың идеяларды арқау еткен қос журналдың кезекті саны, негізінен, алдағы 1 желтоқ­санда атап өтілмек Қазақстанның Тұңғыш Президенті күніне арналған.

«Астана», №5
Журнал жанындағы «А-клуб» қоғам­дас­ты­ғына жаңадан жеті адам мүше болды. Журналдың қазақша нұсқасынан «Нұр Отан» ХДП Астана қалалық филиалы төрағасының орынбасары Қайрат Жаңа­бергенов;  Оқушылар сарайының директо­ры, суретші Ұмсын Арқабаева; бизнесмен, «Төбет – қазақы ит» қорының төрағасы Данияр Дәукейдің сұхбаттарын оқи аласыздар. «Боямасыз бол­мыс» блогында журналист Әділбек Жапақ әке кәсібіне мұрагерлік етіп, еңбеккерлер табын түзудің қалып бара жатқандығын («Қамшыұстар»), журналист Раушан Төленқызы опера әншісі Майра Мұхаметқызы мен қарапа­йым кәсіпкер Гүлнәр Патполлақызының бала күннен үзілмей келе жатқан достығын («Жан құрбы») өзекті әңгіме арқауы еткен.
«Астана плюс», №5
1 желтоқсан Тұңғыш Президент күні болып жарияланды.
Нөмір публицист Валерий Могильниц­кийдің Елбасы Нұрсұлтан Назарбаевтың еңбек жолынан сыр шертетін,  әріптестері­нің естеліктерінен құралған «Во имя жизни» мақаласымен ашылып отыр.
«Шаһар» блогында «Бірінші жақтан» мемлекеттік қазынасын желге ұшырмау мәселесін қозғап, Астананы сумен қамта­масыз етудің балама жолын ұсынған Су ресурстары комитетінің төрағасы Ислам Әбішевтің сұхбатын оқи аласыздар («Деньги не пахнут, а тонут»).
«А-клуб» қоғамдастығының мүшелер саны 37-ге жетті. Жобаға Moto-Roller  то­бы­­ның жетекшісі Ильяс Аутов, «Казахс­танская правда» газетінің шеф-редакторы Сәбит Малдыбаев, актриса Лейло Бекна­зар-Хайнинга, Қазақстанның тәуелсіз кәсіпкерлер одағының президенті Талғат Акуов қосылды.
Қазан айында «Дипломат» отелінде а-клубтықтардың алтыншы кездесуі өтті. Сондай-ақ Star Cinema кинотеатрында Ренат Давлетьяровтың «Стальная бабочка» фильмінің жабық көрсетіліміне қатысты.
Нөмірдің тақырыбы – «Страна и мир», яғни қазақстандықтар өздерін, елді өзге ел арқылы тануға тырысады.
Қыркүйек айында редакцияның өкіл­то­бы Астанамен бауырлас қала – Қазанға сапар шегіп қайтты. Блокта Қазанның мэрі Ильсур Метшинмен сұхбат («Братья по разуму»), үш жылда мемлекеттік инвести­цияны қайтарып, нөлдік кезеңнен пайда табуға көшкен Қазан IT-паркі («Интел­лектуаль­ный дом»), мыңжылдық тарихы бар шаһардың 2013 жылғы Универсиадаға дайындығы («Спортивная столица»), мұсылман кинофестивалі және мұсылман әйелдерінің дефилесі туралы («Совсем другое кино», «Хиджаб вне моды») мақа­лалар жарияланды.