Еңбек адамы жайлы еңбек

Жуырда «Қайнар» баспасы­нан белгілі жазушы Ұзақбай Доспанбетовтің «Шың мен шыңырау» романының екінші кітабы жарық көрді.
Бұл шығарма Еңбек Ері Нұрмолда Алдабергеновтің ұзақ жылдарға созылған әуре-сарсаңнан соң, адал еңбегі мен елінің қамқорлығы арқасында мұратына жеткені баян етіледі. Жазушы бұл кітабында мына­дай идеяны басшылыққа алады: өмір қанша өзгергенімен, әлеуметтік құрылым­дар қанша алмасқанымен, мәңгі өзгермей­тін, қайта жаңғырып, жаңарып, жасай беретін нәрселер бола береді екен. Олар:  адамдардың арақатынасы, арман мүд­десі, елге, жерге деген махаббаты, көзқа­рас­та­ры мен әрекеттері. Оқырман назары­на ұсынылып отырған осынау шығармада да дәл осындай ескірмес тақырыптар сөз болады. Кезінде екі дүркін Социалистік Еңбек Ері атағын алған Нұрмолда Алдабер­генов пен сондай Еңбек Ерінің бірі Әбдіқа­дыр Дайыровтың өмір жолдарын, тағдыр­ларын өзек еткен «Шың мен шыңырау» дилогиясында жазушы Ұ.Доспанбетов сол кездегі уақыт бейнесін, әлеуметтік ортаны шыншыл қалпында суреттеуге барын салған.
Ең бастысы – автор қазір «модадан» шыға бастаған, шынайы еңбек адамда­ры­ның өзгелерге, әсіресе жастарға үлгі-өнеге болуға жарайтын ұнамды бейнелерін жа­сауды мақсат еткен әрі сол мақсатына жет­кен деп бағалауға лайық.