Ерлан Төлеутай: "Жастардың жанын түсінетін режиссерлер жоқ"
Қазір жастарға арналған фильм жоқтың қасы. Болғанның өзінде де жаңа заманның ұрпағына сай ма? Осы сауалдарды Экспресс К тілшісі мамандарға қойып көрді.
Белгілі өнертанушы Ерлан Төлеутай жастарды патриоттыққа тәрбиелейтін осы уақытқа дейін бір ғана фильмнің түсірілгенін айтады. Ол "Жау жүрек мың бала" фильмі. Фильм 2011 жылы түсірілген. Өнертаушы бұл киноның жалғасын түсіруге билік шектеу қойғанына сенімді. Ерлан бүгінде коммерцияның өзі жастарға кино түсірмейтінін жеткізді.
"Жасөспірімдерге арналған кинолар болды. Бірақ кейбірін көру мүмкін емес. Жастарға арналған кино түсіру үшін бала жүрегін түсінетін режиссер болу керек. Ондай режиссерлер жоқ. Түсіргісі келеді, бірақ түсіре алмайды. Ойлары ақша. Жазушы, кинодраматург Смағұл Елеубай баласы екеуі көп ақша алып түсірген. Бәрі қалды ғой. Көруге жарамайды. Бір емес, екі фильм түсірді. Екеуі де көрерменге көрсетуге жарамады. Адам көргісіз. Бала түгілі үлкен адам көре алмайды. Ізгілікке үндейтін фильм жоқ. Бізде адамдардың жаны қаталданып кеткен ғой. Эмир Байғазиннің "Асланның сабақтары" секілді фильмі болды. Бірақ мына заманның шындығын түсіреміз дейді де, нашақорлық, мектептегі зорлық-зомбылықты көресетеді. Фильм шетелдік қаншама фестивальден жүлде алды. Алайда билік оны отандық телеарналардан көрсетуге тыйым салған еді", — дейді Ерлан Төлеутай.
Экспресс К
