"Иә, сүйіктім бар!": Актриса Гүлнәз Жоланова тұрмысқа шықпақ
«Қазақ аруы-2014» байқауының жеңімпазы Гүлназ Жоланованың жүрегінің жартысын жолықтырды. Сырын ақтарған актриса, алғаш рет сүйіктісінің барын ашып айтты, деп хабарлайды Stan.kz ақпарат агенттігі Shownews.kz сайтына сілтеме жасап.
Алғашқыда Гүлназ Жоланова мен Тәуекел Мүслімнің махаббат хикаясын көпшілік біраз талқыға салған еді. Кейін жұрт актрисаны Аян Өтепбергенмен жұптастырды. Бірақ жиырма бестен асқан бикеш осы уақытқа дейін кімді сүйетінін ашып айтқан емес.
«Өмірде өзімнің жек өмірімді солай халықтан тыс, аты айтып тұрғандай жеке өмір болғандықтан жеке болғанын қалаймын. Меніңше, халыққа экрандағы менің махаббатым жететін сияқты. Сондықтан, өмірде осындай позицияны ұстанып жүрмін әрі қарай да осы позицияда боламын», – дейді Гүлназ Жоланова.
Дегенмен, Жоланова бұл сұхбатында ұстанымын өзгертті. Журналистің қысымына шыдамаған актриса сүйіктісі барын алғаш рет айтты.
«Сүйіктім бар деп айтайын, иә! Тұрмысқа шығып жатқан уақытта бір әлеуметтік желіден міндетті түрде шығады ғой (күледі)», – дейді Жоланова.
Отандық шоу-бизнестегі бойдақ бикештер тізімінде Балжан да бар. Кезінде КешYOU тобының құрамында өнер көрсеткен Ақбота – Айдарқұловтың етегінен ұстаса, Жұлдыз – Айқын Төлепбергенді таңдаған еді. Ал, Бидаш келісімшарттың соңына дейін жеке өмірін жария етпеуді жөн көрген. Бүгінде арудың арқа сүйер азаматы бар.
«Шыны керек мен Баян Мақсатқызын, продюсерлерімді сыйлап топта жүргенде жеке өмірді араластырмадым. Енді жеке кетіп, өз еркім өзімде деген сияқты ғой. Оның үстіне күйеуге шығатын жаста келді. Басым бос емес. Қыз баламын ғой өйткені. Ана болу керек деген сияқты», – дейді Балжан Бидаш.
Өнер әлеміндегі арулардың ішінде бірінші болып ақ босаға аттайтын Анара Батырхан секілді. Инстаграм жұлдызы сүйіктісімен келісіп, тойдың уақытын да белгілеп қойған.
«ИншАлла, өзім бір жылдың ішінде ойлап отырмын. Алла қаласа бір жылдың ішінде күйеуге тиемін», – дейді Анар Батырхан.
Айтпақшы, ашық образымен желідегі жұрттың ашуын жиі тудыратын актриса Асель Асқар да тұрмыс құрмақ. Күні кеше сылқымға сырға салынды.
