Кәмен рухына тағзым

Абайдың мемлекеттік тарихи-мәдени және әдеби-мемориалдық қорық мұражайының ғылыми-насихат жұмысының бір саласы – абайтану, шәкәрімтану, мұхтартану тарихында айрықша орны бар ғалымдар мен жазушылардың шығармашылығына арналған әдеби-танымдық кештер ұйымдастыру.

Таяуда Абайдың қорық-мұражайында кезекті әдеби-танымдық кеш өтті. Кеш Абай топырағында туып-өскен, Қазақстан Жазушылар одағының мүшесі, дарынды қаламгер, ұлағатты ұстаз, майдангер жазу­шы Кәмен Оразалиннің туғанына 90 жыл толуына арналды. Кешке жазушының ұр­пақ­тары, туыс-жақындары мен заман­дас­тары, шәкірттері және қаланың зиялы қауы­мы, студенттер, жазушының туған жері – Абай елінен арнайы шақырылған қонақтар қатысты.
Кешті Абай мұражайының директоры, филология ғылымының кандидаты, до­цент Әубәкір Жандос Мағазбекұлы ашты. Белгілі ақын, Абай мұражайының ғылыми қызметкері Ә.Қызырбек өзінің жазушыға арналған жаңа өлеңін оқып берді. Жазу­шы­ның өмірі мен шығармашылығы бо­йын­ша мұражайдың жетекші ғылыми қыз­меткері М.Мұхамедова баяндама жасап, филология ғылымының докторы, профес­сор А.Еспенбетов жазушының абайтану, мұхтартану ғылымындағы еңбегі, қазіргі кәментану туралы салмақты пікір білдірді. Шара барысында жазушының 90 жылды­ғына арнайы ұйымдастырылған Кәмен оқуларының жеңімпаздары марапатталды. Мәдениет қайраткері Елдар Оразалин осы шараны ұйымдастырып отырған мұражай басшылығына алғыс айтып, арнайы сый­лық тапсырды. Жазушының замандастары, құрметті ақсақалдар Х.Матаев, С.Тәбәрі­ков, М.Жанболатов жазушының өмірі мен әдеби мұрасы жайында ой бөлісті.