Кітап мәселесі қаралды

Соңғы уақыттарда Алма­тыда орналасқан Ұлттық кітап­хана халықаралық дең­гей­дегі көптеген ауқымды жобалар мен жалпы, ел руха­ния­тына қатысты бірқатар игі ша­руаларды жүзеге асырып келеді.

Соның бір дәлелі ретінде кеше ғана атал­ған кітапханада «Сирек кездесетін кітап­тар мен қолжазбалар қорының мәсе­ле­лері» атты республикалық конференция-көрме болып өтті. Тарихшы ғалымдар мен қаламгерлер бас қосқан жиын барысында ұсы­нылған көрмеде Қазақстан кітап­ха­на­ла­рының және республикалық кітап мұ­ра­жайы­ның сирек кітаптар мен қолжазбалар қо­рынан 400-ден аса құнды жәдігерлері назарға ұсынылды. Конференция-көр­ме­нің жұмысына, сондай-ақ республикалық кітап­ханалар басшылары және сирек кітап­тар мен қолжазбалар қоры бөлімдерінің қыз­меткерлері қатысты. Сонымен қатар Ұлттық академиялық кітапхананың, облыс­тық әмбебап ғылыми кітапха­на­ла­рдың, ҚР БҒМ Орталық ғылыми кітап­ха­на­сының, Республикалық кітап мұражайы мен ҚР Ұлттық мемлекеттік кітап пала­та­сының жетекші мамандары да осы ғылыми басқосуда тақырыпқа орай өз ұсыныстарын ортаға салды. Алқалы жиында бас қос­қан­дар Қазақстан кітапханаларындағы сирек кітаптар мен қолжазбалар қорының қазіргі жағдайы мен оны толықтыру, сақтау, қайта қалпына келтіру сияқты өзге де өзекті мәселелерді жан-жақты талқылады.