Күй күмбірлеп, ән шалқыды

Оралда белгілі күйші, композитор, Қазақстан Республикасының Халық әртісі, «Құрмет» орденінің иегері Тұяқберді Шәмеловтің шығармашылық кеші өтті. Асқаралы 60 жасын жерлесіміз бұған дейін облысымыздың бірқатар аудандары мен Астана төрінде де атап өткен болатын.
Өнер кешіне облыс әкімінің бірінші орын­­басары Нұрлан Ноғаев қатысып, мерей­той иесіне облыс әкімі Бақтықожа Із­мұхамбетовтің құттықтау хатын та­бы­с­та­ды.
Концертте күйшінің жеке орындауында және оркестрдің сүйемелдеуімен Құр­ман­ға­зының «Кішкентай», Дәулеткерейдің «Бай­жұма», Ұзақтың «Ақжелең», Динаның «Қазақстан», Мәменнің «Ақшолпан» күй­лері тартылып, әндері де шырқалды. Әсі­ресе Әбдірахман Асылбектің сөзіне жа­зылған «Ауылым әсем-ән сағым», «Ауы­лым­ды сағындым», Маралтай Райым­бек­ұлының сөзіне жазылған «Ауылым – аң­сарым», Ақұштап Бақтыгерееваның сөзіне жазылған «Шағала сағыныш», Шолпан Қыдырниязованың сөзіне жазылған «Қадыр ағаны жоқтау» секілді шығар­ма­лары жиылған жұртты бір серпілтіп тас­тады. Шығармашылық кешке Ғ.Құр­ман­ғалиев атындағы облыстық филар­мо­ния­ның әншілері мен Дәулеткерей атын­дағы қазақ ұлт-аспаптар оркестрі атсалысты.