Мерует Түсіпбаева ажырасқан соң отбасылы адамға шексіз ғашық болған екен

 Әнші, актриса Мерерт Түсіпбаева сұхбатының бірінде ажырасқан соң отбасылы адамға шексіз ғашық болса да, қоштасуға мәжбүр болғанын айтты. Ал қазіргі таңда әншінің арқа сүйер азаматы бар екенін де тілге тиек етті.
“Ажырасқан соң шексіз ғашық болдым. Абай атамыз айтқандай, махаббат деген нағыз дерт қой. Сол бір аяулы жанға деген сезімім өзіме дерт болып жабысты. Сүйген адамымның отбасы болғандықтан, қоштасуға мәжбүр болдым. Өзіме ән керектігін айтып ақын Жаңагүл Қадыроваға өлең жаздырдым. “Мұңым менің” (“Сен кеткен соң”) атты өлеңнің 30 пайызы өзіме тиесілі. Сол әнді дүниеге әкелген кезде перзент босанғандай, шерімді сыртқа шығарып, әбден тарқаттым. Бейнебаян түсіріліп жатқан кезде де қатты жыладым. Бәлкім бейнебаянға кірмей қалған шығар.Ең бастысы, өзімді жақсы көретін, бағалайтын, маған көмек беріп, сүйеу бола білетін салиқалы азамат бар. Қалай десек те, шынайы махаббат адам баласына өмірінде бір-ақ беріледі ғой. Ал ол Қозы мен Баяндікіндей, Төлеген мен Жібектікіндей сәтсіз болатыны хақ. Адам ғашығына қол жеткізе алмай кеткен кезде ғана ол махаббат болмақ, қалғаны жәй сүйіспеншілік, сыйластық, қамқорлық, алғыс, сезім ғана» дейді Меруерт Түсіпбаева.