Мешіттің сайты мықты екен

«AWARD.KZ» ұлттық интернет жүйесі ұйымдастырған байқауда Қарағанды орталық мешіті 2010 жылдың «Ең үздік екі тілді сайт» жүлдесін жеңіп алды. Сегізінші рет ұйымдастырылып отырған байқауға 1090 отандық веб әзірлеушілердің үздік еңбектері ұсынылған екен. Соның ішінде топ жарып шыққан www.ihsan.kz сайтының ашылғанына бір жыл ғана толыпты.
Сайт Қарағанды орталық мешітінің өкіл има­мы Наурызбай қажының бастама­сы­мен 2009 жылдың қазан айында «Қара­ған­ды өңіріндегі дәстүрлі ислам дінін на­си­хаттауға бағытталған 2010-2012 жыл­дарға арналған даму бағдарламасы» ая­сында іске қосылған.
2011 жылдың екінші жартыжыл­ды­ғында www.ihsan.kz сайты шетелдегі қан­дас­тарымыз үшін араб әліппесі бойынша тө­те жазу емлесінде де ақпарат таратпақ. Қа­зақстан Ислам конференциясына төр­аға­лық ететіндіктен, сайттың сыртқы мұ­қа­басы мен жаңа дизайны да өзгертіледі. Қа­зір бұл жобалар бойынша жұмыстар ат­қа­рылуда.
Айта кететін жайт, Қарағанды қала­сы­ның этносаябағында салынып жатқан жа­ңа мешіт Тәуелсіздігіміздің 20 жылдығына ашы­лады деп жоспарланып отыр.