Мұражай Тәуелсіздік тарихынан сыр шертеді

Астанадағы еліміздің Тұңғыш Президентімен байланысты нысанның бастысы –  Қазақстан Рес­пуб­­ликасы Тұңғыш Пре­зидентінің мұражайы. Жұрт­шылық «Жаңа Қазақ­стан­ның жаңарған тарихының мұражайы» деп атайтын осынау келбетті ғимарат Елбасының Жар­лы­ғымен 2004 жылғы 28 тамызда құрылған болатын. 
Расында да, Тұңғыш Президенттің мұра­жайы нағыз тарихи ғимаратта орна­ласқан. Бас қаланың бұрынғы орталығын­да орын тепкен бұл ғимарат Елбасының елордадағы алғашқы резиденциясының бірі ғана емес, алғашқы қоныстану жыл­да­рында мемлекет өміріндегі маңызды та­рихи шешімдер қабылданып, кеңестер өткі­зілген, мәселелер талқыланған, жо­ғары деңгейдегі кездесулер жүзеге асқан киелі мекен. Айта кетсек, дәл осы ғимарат­та 1997 жылдың желтоқсанның 10-ында ҚР Парламенті палаталары мен ҚР Үкіме­ті­нің салтанатты бірлескен отырысында еліміздің жаңа елордасы болып Ақмола қаласы атанғандығы үлкен мақтаныш. Елорданың басты келбетте­рінің қатарынан ойып тұрып орын алатын мұражайдың тағы бір ерекшелігі – ол ғылым, білім мен мәдениет орталығын қапсырған ауқымды кешен болып табылады. Тіпті Тәуелсіз Қа­зақ­станның құ­рылуы мен даму үдерістерін толық және жан-жақты білгісі келген кез келген жан Тұңғыш Президент мұражайын бір айналып шықса болды, бәрін көз ал­дына келтіруге мүмкіндік алатыны сөзсіз. Өйт­кені мұнда ел тарихының маңызды ке­зеңін ашатын деректер, тарихи мате­риал­дар жинақталған.
Жал­пы, мұражай экспозицияла­­рын­да айтылатын негізгі идея республика­ның мемлекеттік егемендікке қол жеткізуі мен оның Тұңғыш Президенті Н.Ә.Назар­баев­тың тәуелсіз демократия­лық мемлекет құру­дағы рөлі болып табы­ла­ды. Қазіргі уақытта оның қорында 122 310 сақтам бірлік болса, соның ішінде Мем­лекет басшы­сының жеке кітапханасы­ның қоры 16 116 дана кітап пен баспа ба­сы­лымдарынан, Елбасының жеке мұра­ғаты­ның қоры 98 446 сақтам бірлігінен тұ­рады.
Мұражайда мәдени өмірдің орталығы ретінде көрсетілетін бірқатар көрме жобалары да сәтті жүзеге асқан. Айталық,  «Алға ұмтылған Қазақстан» көрмесі елдің әр аймақтарынан ұсынылған барынша маңызды тарихи және мәдени артефак­ті­лерді көпшілік қауымға таныстыра алды. Ал «Мәдениет арқылы үнқатысу» халық­аралық мәдени жобаларды қамтиды. Мә­селен, бұған дейін осының  аясында мұра­жайдың Үндістан елшілігімен, Үнді мәдени орталығымен белсенді ынтымақтастығы­ның арқасында «Үнді шеберлігінің әдемілігі», «Мәңгілік өнер. Амрита Шер-Гил­дің қайтып оралуы» атты көрмелер ұйым­дастырылған. Жапония елшілігімен және жапон қорымен бірлесіп, «Жапония­ның сәндік-қолданбалы өнері» көрмесі жүзеге асқан. Бұдан бөлек, көркемөнер галереяларымен және халықаралық ұйымдармен бірлесіп өткізілетін серіктестік жобалары да баршылық. Ал  2010 жылдан бастап мұражай бес жобадан тұратын «Тұңғыш Президент және Тәуелсіз Қазақ­стан­ның одан әрі дамуы» ғылыми бағ­дарламасын іске асыруға кіріскен. 
Қазіргі таңда мұражай өз қызметін «ҚР Тұңғыш Президенті мұражайының 2010-2012 жылдарға арналған даму тұжырым­дамасы» аясында жалғастырып келеді. Тұжы­рымдаманың мақсаты мұражай қызметінің барлық бағыттарын одан әрі жетілдіру, жақын шетелдер музейлері арасында жаңа тарихымыздың жетекші ғылыми-зерттеу және ғылыми-әдістемелік орталықтардың бірі ретінде орнықтыру болып табылады.
Бір сөзбен айтқанда, бүгінде ҚР Тұң­ғыш Президенті мұражайы өзін беделді ғы­лыми-зерттеу, білім және мәдениет орта­лығы ретінде көрсете білген ел аста­насындағы көз тартар көрікті орындардың бірі­не айналды.