Отандық актриса өмірден түңіліп кеткен сәттерін еске алды
Отандық актриса Әсел Асқар өзінің бір кездері күйзеліске түсіп, өмірден түңіліп кеткен сәттерін еске алды. 1 баланың анасы қазіргі жағдайын айтып, көпке ішіндегі жан сырын ашты.
«Ажырасқан соң көпке дейін өзіме келе алмадым. Ашуға тез беріліп кететін болдым. Әлемдегі бүкіл еркекті жек көріп кеттім. Күйзеліске түсіп, өзімді іштей жей бердім. Үйдегілермен де арада түсініспеушілік болды. Психологқа 1 жыл бойы барып, 20-дан астам кітап оқыдым.
Қазір бақыттымын. Жақындарымды да әрқашан қуантуға тырысып жүремін. Ал желіге жүктеп жүрген өлеңдеріме келер болсам, олар өткен өмірімнен қалған естеліктер деп біліңіздер. Сіздерге де демеу болып, бір кәделеріңізге жарар деп ойлаймын», – деп жазды Әсел Асқар өзінің Instagram-парақшасына.
.jpg)
Айта кетейік, өлең оқып, желіде танылған актриса Әсел Асқар әнші Бүркіттің жиен қарындасы. Бүркіт Әселдің тәрбиесіне қатты араласып, әрдайым қарындасына әкесіндей қамқор болып жүрген екен.
