Отандық танымал актриса кездесуге шақырып жүрген жігіттерге ренішін жеткізді
Отандық танымал актриса Динара Бақтыбаева карантин режимі енгізілмей тұрып, үйлену тойын өткізіп үлгерген. Алайда, жас жұбайлар пандемия салдарынан дүбірлі шарадан кейін бал айына бара алмай қалды. Отбасылық өмірі үйде оқшауланудан басталған өнер иесін бұл жағдайға еш өкінбейді. Ол мүлдем басқа мәселеге ашулы болып жүргенін айтты деп жазады KAZ.NUR.KZ.
Динара Бақтыбаева тұрмысқа шықса да өзіне хат жазып, кездесуге шақырып жүрген жігіттерге шүйлігіп шықты. Актриса оларға Instagram парақшасында азулы жазба жариялап, сүйіктісімен бақытты өмір сүріп жатқанын айтты.
"Біздің отбасылық өміріміз карантиннен бастау алды. Қайталап айтамын, мен тұрмыстағы әйелмін. Сол себепті, мені кофе ішуге шақырып, "танысайықә деуді доғарыңыздар. Бұл қалай болғаны? Ең болмағанда парақшамды қарап шықпайсыңдар ма? Карантинге қарамастан мен бақытты отбасылық өмір кешіп жатырмын. Жолдасым екеуміз керісінше, бұл уаұытта бір-бірімізге одан бетеп жақын бола түстік. Карантин негізі бізге аса пайдалы болды. Таңғы асты да, түскі асты да, кешкі асты да бірге ішеміз. Кешке үстел ойындарын ойнап, түрлі кино көреміз. Жалпы бәрі тамаша" , - деп жазды ол.
