Қали күйшіге ескерткіш орнатылды

Батыс Қазақстан облысының Жаңақала ауданында атақты күй­ші, Қазақстанның Халық әр­ті­сі Қали Жантілеуовті еске алуға арналған мәдени шара өтті.
Бұл шара күйшінің туғанына 110 жыл толуына байланысты ұйымдастырылды. Мерейтой қонақтары алдымен күйшінің зираты басына гүл шоқтарын қойып, тағзым етті.
Бұдан соң аудандық музыка мектебі ғи­мараты алдында бой көтерген Қ.Жанті­леуов мүсінінің салтанатты ашылуы болды. Мүсін авторы – белгілі суретші Досқали Мұратов. Оған күйшінің ұрпақтары саналатын Тілеген Мусин, Болат Қаденов және Нәсіпқали Ишанғалиев сынды кәсіпкер азаматтар демеушілік жасады. Салтанатты шара барысында аудан әкімі Лавр Хайретдинов арнайы құттықтау сөзін айтып, алдағы уақытта да өңірден шыққан таланттарды ұлықтау ісі ел азаматтарының қолдауымен жалғасын табатынына сенім білдірді. Сондай-ақ мерейтойлық бағдар­лама аясын­да күйшінің ұрпақтарымен кез­десу ұйымдастырылып, саз мектебінің өнер­паздарының концерті ұсынылды. Кездесу сәтінде дарынды домбырашымен дәмдес-тұздас болған Нәсіпқали Мақанов, Мәжит Жаданов сынды ардагер ақсақалдар естеліктер айтты. Аудан басшылығының жос­парына сенсек, Қ.Жантілеуовтің мер­е­й­­­тойы биылғы жаз айының бірінде ұйымдас­тырылатын жас домбырашылар байқауын­да өз жалғасын таппақ.