Қаллеки театрында – жапон драматургиясы

Тылсым тақырыбы соңғы жылдары қазақ киносы мен театр сахнасының репертуарына ене бастады. Тарихи оқиға емес, адамның ішкі жан дүниесінің қоғамдық құбылыстарға байланысты құбылуы, сан қилы күй кешуі – жай нәрсе емес.
Астана қаласындағы Қ.Қуанышбаев атын­дағы Мемлекеттік академиялық қазақ музыкалық драма театрында жаңа туын­ды­ның тұсауы кесілгелі жатыр. Наурыздың 13-і күні тұңғыш рет көрерменге жол тарт­қалы отырған бұл туынды – «Әзәзіл» деп аталады.
Заманауи тақырыптағы көркем шы­ғарма абсурд жанрында сахналанбақ. Туын­дының авторы жапон драматургі – Бэцуяку Минору, режиссері – Т.Жүргенов атындағы Қазақ ұлттық өнер акаде­мия­сы­ның «Театр режиссурасы» мамандығының 4 курс студенті – Нұрғалиев Балтабек. Атал­мыш қойылым Нұрғалиев Балтабектің диплом алды жұмысы.
Сахнада «Қаллеки» театрының бір топ актерлері ойнайды. Атап айтсақ: Күлия Қожахметова, Бақыт Исабекова, Майра Омар, Бақыт Жұмағұлова, Бақытгүл Батыр­ха­нова, Асхат Сұлтан, Аманжол Молдахмет, Жанар Қасымова.