Қазақ мәдениеті Вьетнамда болып қайтты

Вьетнам Социалистік Республикасында Қазақстанның мәдени күндері өтті. Еліміздің өнер мен мәдениет саласының алдыңғы қатарлы майталмандары Ханойдың опера театрында салтанатты кеш өткізді.
ҚР Сыртқы істер министрлігінің бас­па­сөз қызметінің хабарлауынша, Вьетнам жұртшылығы алдында Нұрғиса Тілендиев атындағы «Отырар сазы» академиялық фольклорлық-этнографиялық оркестрі, «Аққу» фольклорлық-хореографиялық ансамблі, сондай-ақ республикалық және халықаралық байқауларда лауреат атанған қазақ орындаушылары өнер көрсетті. Қа­зақ­тың халық музыкасы мен қазіргі за­манғ­ы әндері таныстырылды. Еліміздің мә­дени делегациясын ҚР мәдениет және ақ­парат вице-министрі Асқар Бөрібаев бас­тап барды. Ол Вьетнамның мәдениет, спорт және туризм вице-министрі Ле Кхань Хай­мен кездесіп, мәдениет саласындағы екіжақты қатынастардың дамуы мен екі ел арасындағы достықты нығайту мәселелерін талқылады. Салтанатты кешке Вьетнамның өнер мен мәдениет қайраткерлері, ВСР Пре­­зиденті әкімшілігі, мәдениет, туризм жә­не спорт, сыртқы істер министрліктері өкіл­дері мен қарапайым жұртшылық қатысты. Вьетнамда Қазақстанның мәдени күндері тұңғыш рет өтіп отыр. Бұл шараны өткізу үшін Қазақстан мен Вьетнам бас­шы­лары 2011 жылғы кездесу барысында ар­на­йы уағдаласқан болатын.