Қазақтың тұңғыш балетмейстерін еске алды

Жуырда Алматыдағы Қазақ мемлекеттік қыздар педагогикалық университетінде Бүкіләлемдік би күніне орай, Қазақстанның Халық әртісі, профессор Дәурен Тастанбекұлы Әбіровтің еске алу кеші ұйымдастырылды.
Университеттің өнер және мәдениет факультетінің хореография кафедрасы ұй­ым­дастырған бұл шара өнер саң­ла­ғының 90 жылдығына орайластырылған. Қазақ халқының тұңғыш кәсіби балет­мейс­тері, хореография өнерінің дара тұл­ғасы Дәурен Тастанбекұлы Әбіровтің есі­мін ел есінде мәңгі сақтау, артына із қал­дыр­ған өшпес мұрасын жас ұрпаққа үлгі ету мақса­тында өткізілетін кеште хорео­гра­фия кафедрасының өнерлі студент қыздарымен қатар, университеттің мақта­ныштары – «Томирис» би ансамблі мен «Ал­тынай» би ансамблі өнер көрсетті.
Шараға Д.Әбіровтің көзін көрген дос­та­ры, бірге жұмыс істеген әріптестері, Ра­ма­зан Бапов, Раушан Байсейітова, Людми­ла Рудакова, Зарема Қастеева, Людмила Кре­мер сынды бекзат өнердің белді өкіл­де­рі арнайы қонақ ретінде шақырылды. Кеш­ке сондай-ақ Дәурен Тастанбекұлының бала­лары мен туыстары да қатысты.
Дәурен Тастанбекұлы Әбіров – Қазақ мем­лекеттік қыздар педагогикалық инсти­тутында музыкалық білім беру факульте­ті­нің жанынан хореография мамандарын даяр­лайтын бөлім ашуға септігін тигіз­ген, ұлттық би өнеріне өшпес із қалдырған дара тұлға. 1952 жылдан 1977 жылға де­йін Абай атындағы Мемлекеттік опера жә­не балет театрының балетмейстері және бас балетмейстері болып жұмыс атқарған жылдары ол үлкен балет репертуарын жа­сады, атап айтқанда олар: В.Великановтың «Қамбар мен Назымы», Е.Брусиловскийдің «Қозы Көрпеш–Баян сұлуы», Н.Тілен­диев­тің «Достық жолымен», Ц.Пуни мен Э.Глиердің «Эсмеральдасы», Ф.Ярулиннің «Шуралесі», Б.Астафьевтің «Бақшасарай фонтаны», А.Меликовтың «Махаббат туралы аңызы», Ғ.Жұбанованың «Аққа­на­ты», А.Зацепиннің «Хоттабыч» қойылымы. Дәурен Әбіров сондай-ақ «Қыз Жібек», «Біржан–Сара», «Амангелді», «Қамбар сұлу», «Айсұлу» және тағы да басқа 14-тен астам опералық спектакль мен табысты ор­ындалған көптеген концерттік нөмір­лер­дің қойылымдарын жүзеге асырды.
«Қыздар университеті» медиа орталығы