«Құрметке» лайық журналист

Тәуелсіздік мерекесі қарсаңында, кеше елімізге есімі танымал публицист-журналист Айтбай Сәулебектегі Мемлекет басшысының Жарлығымен «Құрмет» орденімен марапат­талды. Награданы Қарағанды облысының әкімі Серік Ахметов Кеншілердің мәдениет сарайында өткен салтанатты жиналыста табыс етті.
Айтбайдың есімі қазақ оқырмандарына жақ­сы таныс. Ол «Лениншіл жас» (кейіннен «Жас Алаш») газетінде Орталық Қазақстан об­лыстары (Қарағанды, Жезқазған және Ақмола) бойынша меншікті тілші, Қа­ра­ған­ды облыстық «Орталық Қазақстан» га­зе­тінде бөлім меңгерушісі, республикалық «Азия транзит» газеті мен журналында бас редактор болып, сондай-ақ рес­­­публи­калық «Қазақ елі» газетінде қызмет ат­қар­ған. Бүгінде «Дала мен қала» газетінің Қа­ра­ғанды об­лысы бойынша меншікті тіл­шісі.
Әріптесіміздің абырой-атағы да бір ба­сына жетерлік. Атап айтқанда, Қа­зақстан Жур­на­листер ода­­ғының, БҰҰ-ның Қа­зақ­­­стан­дағы, Қа­­­ра­ған­ды об­лысы әкі­мі­нің жур­на­лис­терге бе­­рілетін «Ал­тын сұң­қар» жә­не жа­зу­шы­лар­ға арналған «Ал­тын жолақ» сый­­лық­та­ры­ның лауреаты. Әрі­п­тесіміз сондай-ақ 2009 жылы Пре­зи­денттің бұқаралық ақпарат құралдары са­ласындағы сыйлығын иеленді. Жеті кі­тап­тың авторы.
Айтбай Сәулебектегі 2008 жылы «Ас­та­на – 10 жыл» мерекелік медалімен ма­ра­патталса, енді, міне, Тәуелсіздік күні қар­саңында Елбасымыздың Жарлығымен «Құр­мет» орденін кеудесіне тақты.
Әріптесімізді шын жүректен құттықтап, шығармашылық табыстар тілейміз.