Құжиманов сыныбы ашылды

Жуырда Шығыс Қазақстан облысына қарасты Тарбағатай ауданындағы Ақсуат орталығында орын тепкен Алшынғазы Байқыдыров атындағы музыка мектебінде халықтық өнеріміздің туын желбіретіп жүрген талантты әнші, ұлағатты ұстаз Жоламан Құжиманов атындағы ұлттық ән сыныбы ашылды. Осы бір жағымды жаңалық жөнінде әншінің өз пікірін сұраған едік.
Жоламан ҚҰЖИМАНОВ, әнші:
– Қазақтың ұлттық өнерін, сондай-ақ менің еңбегімді елеп-ескеріп, ән сы­ныбын ашып жатқан аудандық Ал­шын­ға­зы Байқыдыров атындағы музыка мек­тебінің директоры Қалихан Сафа­ров­қа, жалпы, бұл бастамаға қолдау білдірген Тарбағатай ауданының әкімі Ерлан Текешовке алғысым шексіз. Атау­лы мектепте 250 бала домбыра, қобыз, баян, сурет, би, ән сабақтарынан дәріс алса, бүгінде менің атымдағы ән сы­ны­бында 25 шәкірт оқып жатыр. Мұны ауыз толтырып айтарлық жетістікке ба­лауға болады. Өйткені колледж-ли­цей­лердің өзінде ән сыныбында 5-6 ба­ла­дан артық оқымайды. Бұл ән сыны­бын­да Жәнібек Кәрменовтің шәкірті, рес­пуб­ликалық байқаулардың лауреаты Мей­рамбек Ахметов дәріс беретін бо­лып бекітіліпті. Музыка мектебі ауыл­дарда да өз бөлімшелерін ашпақ ойы бар. Ең бас­тысы, ұлттық өнерге көңіл бөлушілік қуантады.