Қыдырәлі мерекеге орай балаларға тосынсый жасамақ
Танымал әнші әрі продюсер Қыдырәлі Болманов халықтан тағы да сүйінші сұрады. Ол ертеңгі мерекеге орай балаларға тосынсый жасамақ, деп хабарлайды Baq.kz.
«Балбала брендінің тағы бір жақсы жаңалығы! Кезінде ҰЛЫТАУ тобы жобасын іске асырып, алты қыр асып, Голливудтан Бас жүлде алып келгеннен кейін, Қарақат мектеп-студиясы ақырындап балалар әлеміне алып келді. Тариxымызда болмаған қазақи, қазақша ән салатын, сөйлей алатын Балбала ойыншықтары пайда болды. Одан соң Балбала ойыншықтары балабақшаларға арналған, ғылыми екшелген оқу-әдістемелік кешенге айналды. Дами келе, енді балалар ойнай жүріп, киіз үйін сезіну үшін, бала псиxологиясына жағымды әсер беру мақсатында балалар ойын әлемін жасақтау қажет екенін түсіндім... Бұл ойды іске асыру үшін Ұлттық нақышта, киіз үй үлгісінде Батут жасау ойға келді. Бұл дегеніміз Анасының ақ сүтімен бойына тараған руxани "тамырды" нәрлендіру, яғни қоректендіру. Жапондықтар айтпақшы тез деген, - Баяу, -бірақ үзіліссіз.... Баланың өсуі де, дамуы да осы процесс...Үзіліссіз өсу.... Тоқсан сөздің тобықтай түйіні - Бесігіңді түзесең, берекелі Ел боласың!», - дейді Қыдырәлі.
Сондай-ақ, ол тыңдармандарын мерекелік концерттің қонағы болуға да шақырды.
«Ертең, Халықаралық балаларды қорғау күні, қазақша айтсақ, Алла бере салғандарымыздың мейрамы құтты болсын! Ертең Жерұйық саябағында, (М.Жұмабаев пен Б.Момышұлы көшелері қиылысында) Концерттік бағдарламада көптеген Жұлдыздар мен Қарақат мектеп-студиясының концерті. Басталуы сағат 11:00-де. Балбала Әлемі Этно-алаңының ашылу салтанатының құрметті қонағы болыңыздар!», - деді ол.
