Қызылорда батырлар қаласына айналады

Сыр өңірінің жұртшылығы биылғы жылы қазақтың жау­жү­рек баһадүр ұлының бірі – Бұ­қар­бай батыр Естек­бай­ұлының өмірге келгеніне 200 жыл то­луына орай ұлан-асыр той өткізуді жоспарлап отыр. Бүгінгі күні сол шараға арнайы дайын­дық шарасы басталып кетті. Кенесары бастаған ұлт-азаттық көтерілісінде ерлікпен шайқас­қан ардақты азаматқа бүгінгі ұр­пағы осылайша құрмет көр­сетуде.
Облыс орталығында баһадүр бабаға ескерт­кіш орнату көзделуде. Еңселі ескерт­кіш­тің қазір алғашқы іргетасы қа­ла­на бас­та­ды. Кейінгі ұрпақ батырға тағзым жа­сайтын орын Қызылорда қаласының «Шұғыла» ша­ғын ауданындағы Ғ.Мұрат­баев және Бұ­қар­бай көшелерінің бойында бой көтермек. Сол жердегі алаңда биіктігі сегіз метрге жететін тұғырға тұлпарға мін­ген батырдың бейнесі орнатылады. Оның сметалық құны 2 млн 600 мың теңгені құрайды. Осы күндері ескерт­кіш орнатуға байланысты арнайы байқау жарияланып, жеңімпаз белгілі болды. Ескерткіштің жо­ба­сымен «Арх­Град­стройКадастр» ЖШС айналысып жатыр.
Аталмыш орынның айналасы абат­тан­ды­рылады. Осылайша бұл жер қала тұр­ғын­дарының демалатын саяба­ғына айнал­мақшы.  Бұдан  бұрын Сырдың бас қаласында Қо­быланды батыр мен Жалаң­төс баһадүрдің зәулім ескерткіштері қойыл­ған еді. Ал одан сәл ертерек Кел­менбет батыр, Аманкелді Иманов секілді жаужүрек ұлдардың еңселі ескерткіштері орнатылған. Алаштың анасы атанған аймақ осылайша қазақтың Тәуел­сіз­дігі үшін тер төккен асылдар мен ар­дақ­ты­ларын түгендей бастады.