Қызылордада Абай ескерткіші ашылады

Қызылорда қаласында қазақтың ойшылы һәм бас ақыны Абайға арналған ескерткіш жыл соңына дейін бой көтеретін болады. Бұл жайында қалалық құрылыс бөлімінің бастығы Асылбек Әнуарбеков хабарлады.
Қазіргі таңда бұл бағытта жұмыстар қол­ға алынып отыр. Ескерткішке арналған арнайы жер телімі де бөлініп қойылған. Көпшіліктің көзайымына айналатын дема­лыс орнын толықтай аяқтап шығуға қала­лық қазынадан 120 млн теңге бөлініп отыр.
Мүсінші Мерген Қосжановтың айтуын­ша, ескерткіштің биіктігі 5 метрге жуықтай­ды. Сондай-ақ оның маңында Абайдың қа­ра­сөздері тасқа қашалып, жан-жағы абат­тандырылады, жарық жүргізіледі.
Қазіргі таңда құрылыс жұмыстары бас­талып кетті. Бас мердігер «НайКИТ» ЖШС болса, «Мұнайгазинжиниринг» ЖШС бас жо­ба­лаумен айналысады. Сквер Тәуел­сіз­дік күні мерекесіне дейін елдің көзайымына айналмақ.