Қызылордада тіл тазарады

Қызылордалықтар туған тілдің тазалығын сақтауға білек сыбана кірісуді бастады. Бұл бағытта «Таза тіл» жастар қозғалысы белсенді қимыл атқармақшы.
Сыр елі­нің бас ша­һары – Қы­зылорда қа­­ла­сында жер­­гілікті ұлт өкілдері ба­сым тұ­рады. Алай­да қа­за­қы­лық қай­мағы бұзыл­маған өңірде де ана тіліміздің ақсап тұрған тұстары аз емес. Соның бірі – көше­де­гі сауатсыз жарнамалар жайы.
Қаланы аралай қалсаңыз, кейде на­мы­сыңды келтіретін, кейде еріксіз езуіңе күлкі шақыратын жарнамалар кездеседі. Тіпті оның жазылуына ешбір мән бермейтін кәсіп­керлер де жоқ емес. Ендігі кезекте «Таза тіл» жастар қозғалысы соның бар­лығын түгендеп, тиісті іс-шараны қолға алу­ды көздеп отыр.
Облыстық тілдерді дамыту бас­қар­ма­сының бастығы Руслан Рүстемовтің ай­туын­ша, сауатсыз жарнамаларға қарсы күрес бағытында кейінгі буын өкілдері нәтижелі жұмыс атқарады деген сенім бар. Бүгінгі ұрпақ патриоттық сезіммен туған тілдің тазалығын сақтауға күш салады.