Ректор студенттерді тыйып тастады

Кеше С.Асфендияров атындағы Қазақ ұлттық медициналық университетінің конгрес-холында Елбасы Жолдауын насихаттау үшін Парламент Мәжілісінің вице-спикері Сергей Дьяченко мен депутат Гүлмира Есімбаева студенттермен кездесті.
Депутаттарға жемқорлықтың салдары­нан күйреген Оңтүстік Қазақстан облыс­тық медицина академиясынан ауысып келген бір топ студент Алматының жатақ­ханасында қысылып-қымтырылып жүр­генін айтты.
Мәжілістің Әлеуметтік-мәдени да­му комитетінің мүшесі Гүлмира Естай­бек­қызы:
– Жатақхана – барлық жоғары оқу орындарының басты проблемасы. Алай­да құрылысы басталып кеткен меке­ме­лер болмаса, дәл қазір дағдарыс кезін­де ешқандай үлкен жатақханалар салынбайды, – деді.
Екінші сұрақ тағы жатақхана жайы туралы болды. Бұдан әріге шыдай алмаған университеттің ректоры Айқан Ақанов:
— Біз онсыз да әке-шешесі жоқ сту­денттерге шамамыз келгенше көмектесіп отырмыз. Алайда барлық студенттерге жағдай жасай алмаймыз. Студенттердің оқуға берген қаржысы осы университеттің керек-жарағына жаратылады... Мұндай сауалды бұл жерде қоюға болмайды. Және сұрақты Елбасы Жолдауына қатысты қойғандарыңыз дұрыс, – деп студенттерді тыйып тастады.