Республикалық «Бұраң бел» би байқауы өтті

Шымкентте республикалық «Бұраң бел» би байқауы өтті. Оған еліміздің түкпір-түкпірінен 14 би ансамблі қатысып өнер көрсетті. Шараның мақсаты – ұлттық би өнерін дамыта отырып, шығармашылық ұжымдарды өзара тәжірибе алмастыру.
Байқау шарты бойынша ұжым мүше­лері 16 жастан асқан болуы керек және қазылар алқасының назарына екі биден ұсынады. Оның біреуі қазақтың халық биі болса, екіншісі – еркін тақырып. Бірінен-бірі қа­лыс­­­пайтын таңдаулы өнер ұжым­да­рын бағалау оңай болмады. Қазылар би ансамбль­дерінің шеберліктерімен қатар, кос­тюм­деріне, ұлттық нақыштарына ерек­ше көңіл бөлді. Ұзақ талқылаудан кейін топ­жар­ған­дар да белгілі болды. Бас жүлдеге Түркістан қала­сын­дағы Қ.А. Ясауи атындағы Халық­аралық қазақ-түрік уни­вер­­ситетінің «Би­сұл­тан» би ансамблі лайық­ты деп ұйғарылды. Бай­­қо­ңыр қаласының «Дидар» халық би ан­самблі бірінші орынды иеленсе, маң­ғыс­тау­лық «Жорға» ұжымы мен шымкенттік «Қара­көз» ансамблі 2-орынды өзара бөлісті. Үшін­ші орын жамбылдық «Ақ­кер­без» бен көк­шетаулық «Гәкку» ұжым­да­рына беріл­ді. Барлық өнер ұжым­да­ры арна­йы сыйлықтармен марапатталды.
Күлия АЙДАРБЕКОВА, ОҚО Мәдениет басқармасының бастығы:
– Ата-бабаларымыздан, әжеле­рі­міз­ден келе жатқан ұлттық өнерді, би­ле­рі­мізді бүгінгі жас ұрпаққа үйретуіміз керек. Бұл шараны осы мақсатта өткізіп отырмыз. Негізі, қазақ халқының ұл-қыздары өте сұлу келеді. Ал соның ішінде биге қатыс­қан жастарымыз өте ерекше болып көрі­неді. Алдағы уақытта бұл шара тағы да жалғасын табатын болады.