Роза жыр кешіне шақырады

Алматы облысы Жамбыл ауданы әкім­шілігінің және Қазақстан Жазушылар ода­ғының қолдауымен 18 мамыр күні сағат 16.00-де Ұзынағаш ауылының Мәдениет үйінде қазақтың талантты ақын қызы Роза Сейілханның шығармашылық кеші өтеді.

«Ауыл аман болса екен, тауым аман...» атты шығармашылық кешке белгілі қалам­герлер мен танымал өнер жұлдыздары, ақынның бір топ қаламдастары қатысады. Қа­зіргі қазақ поэзиясында нәзік те сыршыл лирикасымен өзіндік қолтаңбасын қалып­тастыра білген ақын Роза Сейілханның есімі қалың оқырманға жақсы таныс болуға тиіс. Бүгінде «Қазақ әдебиеті» газетінде қыз­мет атқаратын Роза – әдебиет, руха­ният тақырыбында жазылған толғақты мате­риалдарымен келелі ой айтып, ақындық қары­мын азаматтық публицистикамен де ұш­тастырып жүрген қалам иесі.
Қазақстан Жазушылар одағының мүше­сі, Халықаралық «Шабыт» жастар фестива­лінің лауреаты, бірнеше республикалық жыр мүшәйрасының жүлдегері Роза Сейілхан 1972 жылы 25 cәуірде Алматы облысы Жам­был ауданы Жамбыл ауылында дүниеге келген. Әл-Фараби атындағы Қазақ мемлекеттік университетінің журналистика факультетін тамамдаған. Әр жылдары М.Әуезов атын­дағы Әдебиет және өнер институтында, «Zaman –Қазақстан», «Ана тілі», «Алматы ақшамы» басылымдарында жұмыс істеген.
Өлеңдері өткен ғасырдың 90-жылда­рының басынан бастап республикалық басылымдарда үзбей жарияланып келеді.
Ән мен жыр әуелейтін ақынның кешін талантты әнші-композитор Роза Әлқожа мен жас қаламгер Бейбіт Сарыбай жүргізе­ді. Келемін деушілерге есік ашық.