«Салтанат» салтанат құрмақ

Көптеген шет мемлекеттерде табысты өнер көрсетіп жүрген Қазақтың мемлекеттік «Сал­та­нат» би ансамблі алдағы 3 нау­­рыз күні сағат 19.00-де Аста­надағы Конгресс-Холл са­райында 8 наурыз – Халық­ара­лық әйелдер күніне арнап үлкен мерекелік концерт ұсынбақ.
Концерт бағдарламасында ұлттық биі­мізбен қатар, әлем халықтарының танымал билері де орындалмақ. Бағдарламада сон­дай-ақ «Томирис» балетінен үзінді көр­сетіл­мек. Туындыны елімізге еңбек сіңірген қай­­раткер Гүлсәуле Орымбаева Болат Жан­­­дарбеков шығармасының желісі бойын­­­ша сахнаға дайындаған. Концерт бары­­сында белгілі әртістер мен фоль­к­лор­лық-этно­гра­фия­лық «Тұран» ансамблі де өнер көр­сет­пек.
«Салтанат» ансамблі Қазақ КСР Кеңес Министрлігінің қаулысымен 1955 жылдың 5 тамызында Қазақ КСР Мемлекеттік би ансамблі болып құрылған. Музыка, вокал мен хореография өнерін дамытудағы ора­сан еңбегі үшін және жоғары дәрежедегі орын­дау шеберлігі үшін Қазақ КСР Жоғарғы Кеңес Президиумының үкімімен 1967 жы­лы ансамбльге «Еңбек сіңірген» деген құр­мет­ті атақ берілді.1989 жылдың 20 ақпа­нын­­да Қазақ КСР Жоғарғы Кеңес Пре­зидиумының қаулысымен ҚазКСР ән жә­не би ансамблі ҚР Мемлекеттік «Сал­та­нат» би ансамблі болып қайта құрылды.
Еліміздегі беткеұстар өнер ошағының бірі саналатын «Салтанат» ансамблі – ұлт­тық хореография мәдениеті мен әлем хо­реографиясының бай мұрасын дәріптейтін та­лантты да білікті ұжым са­на­лады. Бүгінгі күні «Салтанат» ансам­блі­нің репертуарында 150-ден астам қазақ­тың төл билерімен қоса әлем халықтарының билері топ­тас­ты­рыл­ған.