Сержанәлі Әлібек жан тебірентер жазбасымен желі қолданушыларын жылатты
Әуезді әндерімен танылса да көпшіліктің көзіне түсе бермейтін әнші Сержанәлі Әлібек әлеуметтік желідегі парақшасында жан тебірентер жазбасымен оқырмандарын жылатты. Әнші адами қарым-қатынастың, мейірім мен бауырмалдылықтың маңыздылығын түсіндірген. Сөз соңында ойын «сезімсіз өмір бос өмір» деп түйіндейді.
«Өкпеге қисаң да, аз ғұмырыңды сыйластықпен өткіз. Бүгінгі адам, ертең топырақ. Бір үйде қанша жан барсың, бір-біріңе қонақсың. Сыйлассаң - тіріңде сыйлас. Өлген соң жыласпа. Тірі адамда мүмкіндік көп. Иіске, сүй, құшақта, аяла, бауырыңа бас! Əр секундыңды қимастарыңа арна. Ешкім мəңгілік емес. Ыстық құшағында еркеле. Алла адам баласына көп мүмкіндік. Уақыт берді. Өкпе, реніш, наз - ол еш уақыт бітпейді. Егер сен бітірмесең. Əр кездескенде "жоғалтып" алам-ау деп бауырыңа бас! Көрсет шын ықыласыңды! Қоштасарда да көріспей қалсам ше деген оймен қимай қоштас! Білдір сезіміңді! Көрсет ол адамның саған қымбат екенін. Қу тірліктің күйбеңімен уақыт зымырай береді. Ештеңе дəл бүгінгідей қайталанбайды. Əр уақыттың да адамның да қадіріне жете біл. Сен өлгенше өштесіп жүрердей ол да шəйтан емес. Не сен не ол бірінші кетеді. Сол кезде өкінбейтін бол! Кішкене ғана ғұмырда адал болайықшы!
Қасыңызда жүрген адамдарды бағалай біліңіз! Ол туысқаныңыз, жаныңыздағы жарыңыз, досыңыз, сырласыңыз, құрдасыңыз т.б. Ол адам бүгін бар болуы мүмкін, ертең бар болуы мүмкін, арғы күні бар бола ма жоқ па белгісіз?! Кейін ол сізден алыстап кетсе, саныңызды соғып қалмаңыз! Өмірде ештеңеге Мəңгілік деп қарамаңыз! Ақшаға да ол сізде қазір бар болуы мүмкін, кейін жоқ болмасына кім кепіл?! Тіпті мен де, оқып отырған сізде Мəңгілік емеспіз! Туысқаныңды, бауырыңды сағындың ба, жай ғана хабарласыңыз, іздеңіз, сағынып кеттім сені деңіз! Мама папа сіздерді қатты жақсы көрем деп күнде смс жазыңыз! Сезіміңізді уақытында айтып үйреніңіз! Кейін кеш болып қалмас үшін!
Ештеңе де маңызды емес, ақша атақ , мансап, байлық, сұлулық, менмендік, көкіректік, машина, қымбат сотка, қымбат киім .т.б
Тек қана сезім ата анаға деген, сүйген жарға, балаға, дос-құрдас , бауырға деген, туысқанға деген, басқа да өмірініздегі адамдарға деген сезім маңызды. Сезім- жақсы көру, сағыну, іздеу, ол үшін алаңдау, бауырмалдық, мейірімділік, адалдық, достық т.б көп кете береді сансыз! Сезімсіз өмір бос өмір! Кейін бармағымызды тістеп қалмайық!»-дейді әнші.
Желі қолданушыларының көңілі босап, әншінің ойы дұрыстығын жазып жатыр.
