Смағұловтың суреттері сөйлейді

Кеше Назарбаев Орталығында Қазақстанның еңбек сіңірген қайраткері, «Қазақ Елі» монументінің авторы, мүсінші Сембіғали Смағұловтың көрмесі ашылды. Іс-шара суретшінің 50 жылдық мерейтойына орайластырылған. Назарбаев орталығының баспасөз қызметі хабарлағандай, көрмеде автордың мүсін, көркемсурет, графика жанрында орындаған 50 туындысы көпшіліктің назарына ұсынылады. Сонымен қатар шара аясында «Сембіғали Смағұлов» атты суретті альбомының тұсаукесері өттті.
Сембіғали Смағұлов – белгілі қазақ­стандық суретші және мүсінші. Биыл сәуір айында Қытай астанасы Бейжің қаласында өткен халықаралық суретшілер фору­мында «Күллі әлемдегі бейбітшіл суретші» құрметті атағын иеленген. Суретшінің ту­ын­дылары қазақ халқының ұлттық жетіс­тігі саналып, еліміздің жетекші мұражай­ла­рында қойылған. Ал автордың студент ке­зінде салған «Менің әкемнің аттары» шы­ғармасы Мәскеу қаласындағы шығыс ха­лықтары музейінде сақтаулы тұр.