Студент жастар серпілісі

Алматыдағы Студенттер сарайында Тұңғыш Президент күніне арналған «Болашақ кілті – білімде» атты мәдени-танымдық сипаттағы мерекелік шара болып өтті.
Қазақ ұлттық аграрлық университеті ұйымдастырған бұл концерттік бағдар­ла­мада Елбасы Нұрсұлтан Назарбаевтың өмі­рі мен қызметіне арналған көркемсу­рет­ті және деректі фильмдер ұсынылып, сту­дент жастар мен ұстаздар қауымы­ның, әскери кафедраның, университет жа­нынан құрылған «Гүлбану» ән-би ансамблі мен халық аспаптар оркестрінің және бірқатар Қазақстан эстрада жұл­дыздарының өнері көрермен назарына ұсынылды.
Аталған шараға көрнекті мемлекет жә­не қоғам қайраткерлері мен ардагер ұстаз­дар, ҚР Парламенті Мәжілісінің депутат­тары, еліміздің Білім және ғылым министр­лігі мен бұқаралық ақпарат құралдарының өкілдері қатысты. Мерекелік шара бары­сында құттықтау сөз сөйлеген университет ректоры, академик Тілектес Есполов Тә­уел­сіз Қазақстан жастары Тұңғыш Прези­дент­тің көшбасшылық қасиеттерін бой­ла­рына сіңіріп, ұлт патриоты ретінде білімді бо­лып қалыптасуы керек екендігіне ерек­ше тоқталды. Аталған оқу орнының бірінші курс шәкірттерін салтанатты түрде студент­тер қатарына қабылдау рәсімі де Тұңғыш Президент күнін атап өтумен тұспа-тұс кел­гендіктен, концерттік бағдарламаның не­гіз­гі жүгін де өнерлі студент жастар көтеріп алды. Осы күнге орайластырылған шарада Қазақ ұлттық аграрлық университетінің сту­денттер қауымы да Президентіміздің саясаты мен жастарға деген қамқорлығына ризашылығын білдіруде. Елбасымыз үнемі жастарға сенім артады. Бұл тектен тек емес. Өйткені қазіргі жастар – ертеңгі бо­ла­шақтың іргетасы. Кемел келешектің иелері. «Арман! Еңбек! Сенім!» Бұл – бүгін­гі жастардың ұраны. Бүгінгі жастар, Қазақ­стан­ның ертеңі – сапалы білім алуда екен­дігін айқын түсінеді.
Салтанатты кеш қонақтарының қата­рын­да Бибігүл Төлегенова, Ескендір Ха­сан­ғалиев, Шөмішбай Сариев сынды бел­гілі өнер қайраткерлерімен қатар, Медеу Арынбаев, Біржан Ескендірұлы, Жұбаныш Жексенұлы, Өмірқұл Айниязов сияқты эс­трада әншілері де болып, мерекеге ән ша­шу­ларын ала келді. Шараның басталу сә­тін­де Тәуелсіз Қазақстанның Мемлекеттік Туы сахна төріне шығарылып, Әнұран ой­налды. Осылай ерекше салтанатпен бас­тал­ған кештің соңы да Ескендір, Біржан Ха­санғалиевтердің орындауындағы әйгілі «Атамекен» әнімен, рухани серпіліспен аяқ­талды. Тұңғыш Президент күніне ар­нал­ған мерекелік шарадан түйген ойымыз: бұл күн – Елбасының елге, оның дамуына сіңірген зор еңбегін бағалап, Ұлт көшбас­шысы атанған тұлғаны келешек ұрпақтың да құрметтеп, ардақтап жүруіне сеп бола­тыны сөзсіз. Бұл күн еліміздің мем­лекеттік Тәуелсіздігіне қол жеткізу тарихында және жаңа мемлекеттің даму стратегиясын ай­қын­дауда орасан маңызға ие.
Елбасы «Жастары білімді елдің бола­шағы жарқын болады» дегенді үнемі ай­тып келеді. Осы бір сөзді қағида ретінде ұстанған студент жастар осынау мерекелік шарада Тұңғыш Президент жолын үлгі тұ­та­тындықтарын тағы бір көрсетті.