Сүйіктісімен сүйісіп тұрған суреті желіні шулатқан ұлы мен болашақ „келіні„ жайлы Медеу Арынбаев не біледі?

Сүйіктісімен құшақтасқан суретін жүктеп, желіні шулатып жүрген Дәулет Арынбаевтың бұл қылығы туралы әкесі бейхабар екен. Алайда, болашақ „келіні„ туралы білетінін де жасырмай айтты.

Бұл туралы Zhuldyz.tv хабарлайды.

“Не болды сонша, қайда жүрсің?” десем: “Папа, алыста емеспін, осындамын”, – деген. Соған қарағанда достасып жүрген қызы алыс емес, көршілес, өзіміздің аулада тұрады. Сонысы маған жақсы болып жүр”, – дейді Медеу Арынбаев.

Бір қызығы, әлеуметтік желіде таралып, жұртшылық арасында талқыланып кеткен сурет туралы Медеу Арынбаевтың өзі хабарсыз екен. Себебі әншінің жеке Instagram парақшасын өзі емес, көмекшісі жүргізеді.

“Мұндай суретті көрмеппін. Бірақ достасып жүрген қызының бар екенін білемін”, – дейді әнші ағынан жарылып.

Әнші ұл-қызымен еркін әңгімелесіп, кез-келген тақырыпта қолдап, сөз қозғайтындығын да айтты. Осының себебінен, үйленетін шешім қабылдаса, ұлы өзіме келіп бірінші айтады , дейді әнші.

“Арамызда аса бір қатал қарым-қатынас жоқ. Ашық әңгімелер айтамыз, қалжыңдасып жатамыз. Ұлым мен қызымды солай тәрбиелеп жатырмын. Арамызда әкенің парызы былай, баламен арасындағы қарым-қатынас бұрынғыдай емес қой, қазіргі заманға сай болып жатқан сияқты. Ол кезде жеңгейтайлар болды ауылда. Оларға қалжыңдап, ата-анамызға жеткізіп жатты. Ал қазіргі кезде аса бір қорқатын, қаймығатын кез емес. Үйленетін болса тарс еткізіп: “Папа, осылай болып қалды”, – деп жүрмесе болды, Құдай сақтасын. “Абайла” деп қоямын, қалжыңдап болсын, жанамалап болсын жеткізіп жүрмін ғой. “Абайлап басыңдар қадамдарыңды, әлі өмір алда” дегенге келтіріп жатырмыз. Енді махаббат болып жатса ештеңе демейсің. Махаббатқа бәріміз бас иеміз, сенеміз”, – деп түйіндеді сөзін Дәулет пен Даянаның әкесі. 

kaz.365info.kz