Тахмина Əшімбекова жаңалығымен бөлісті

Танымал әнші Тахмина Әшімбекова ұзақ үзілістен кейін сахнаға қайта оралмақ ниетте. "Жеңешем" деп аталатын жаңа ән жазған әнші енді клип түсіруді бастап кетті. Ол туралы Тахмина инстаграм парақшасында жазды.
Айта кетейік, Тахмина осыдан біраз уақыт жыл бұрын үлкен танымалдылыққа ие əншілердің қатарында еді. Ұзақ уақыт сахнада көрінбей кеткен себебін әнші былай деп түсіндірді: "Әйел адамның бақыты – тұрмыс құрып, ана болу ғой. Өмірлік серігімді жолықтырып, отбасылы болған соң біраз уақытқа өнерді кейінге қалдыра тұруға тура келді. Екі-үш жылдай баламен үйде отырып қалдым. Жұбайымның қайтадан сахнаға оралуыма бастапқыда қарсы болғанын жасырмаймын. Менің өнерсіз өмір сүре алмайтынымды түсінген соң, кейіннен әйтіп-бүйтіп «сындырдық» қой".