Театр саласының «Жыл үздіктері» анықталды

Табиғат маусымына ғана емес, дәл қазір еліміздің театр саласына да көктем келген сыңай­­лы. М.Әуезов атындағы әкемтеатрда «Театр көктемі» фес­тивалі өз мәресіне жетіп жат­са, күні кеше Ғ.Мүсірепов атын­­дағы Қазақ мемлекеттік ака­демиялық балалар мен жасөспірімдер теат­рын­­да 2012 жыл­дың «Жыл үздік­терін» ма­рапат­­тау рәсімі болып өтті. Оны ұйымдастырушы аталған театр және Алматы қалалық театр кеңесі. Директоры – Есмұқан Обаев.
Алматы қаласындағы барлық театр басшыларымен қатар, Камал Ормантаев, Төрегелді Шарманов және Әбдіжәміл Нұр­пейісов сынды үш абыз арнайы келген бұл марапаттауда сонымен кімдер үздік атан­ды?
1.Қазақтың мемлекеттік М.Әуез­ов атындағы академиялық дра­ма театрынан – актриса Ләззат Қалдыбеко­ва мен соңғы жылдарда «Ағайындылар», «Лик­видатор» сынды кинолар арқылы мил­лиондаған көрерменге танылып үл­герген белгілі киноактер Берік Айтжанов;
2.М.Лермонтов атындағы Мемлекеттік академиялық орыс драма театрынан – актриса Ирина Лебсак пен актер М.Токарев;
3.Ғ.Мүсірепов атындағы Қазақ мем­ле­кеттік академиялық балалар мен жасөс­пі­рімдер театрынан – ҚР еңбек сіңірген әртісі Лидия Кәденова және жас актер Мерей Әжібеков;
4.Алматы қаласындағы Ко­рей музыкалық комедия театрынан – актриса Нина Дюк және Антонина Пак;
5.Республикалық неміс драма театры­нан – актриса Лариса Фадеева және Илья Садыковтар марапатталды.
Сондай-ақ бұл марапаттауда Алматы қаласындағы мемлекеттік ойыншықтар театрының да әртістері тыс қалған жоқ.