Халых қаһарманының өміріне арналған көрме

Солтүстік Қазақстан облысы жол полициясы басқармасының мұражайында Халық Қаһарманы, қылмыскерді ұстау барысында қаза тапқан Ғазиз Байтасовтың өмірі мен қызметіне арналған көрме ашылды. Қызылжарға батырды еске алу шараларына қатысуға Тараздан жұбайы мен ұлы арнайы келді.

Жамбыл облысы жол полициясы бас­қар­масы жеке батальоны 1 взводының командирі Ғазиз Байтасов 2011 жылдың 12 қарашасында аса қауіпті террористі ұстау барысында көз жұмған болатын. 20 жыл бойы тәртіп сақтау саласында еңбек еткен оның өмірі еліміздегі әрбір полицейге үлгі. Сондықтан Қызылжарда ашылған көрменің берері мол. Көрменің ашылу салтанатына ішкі істер департаментінің жеке құрамы мен ардагерлер және қона­қ­тар жиналды. Департамент бастығының орынбасары Серік Едіресов құттықтау сөз арнады.
Бұл күні батырдың құрметіне шағын футболдан жарыс та ұйымдастырылды. Жа­рысқа облыстың құқық қорғау орган­дары мен қалалық әкімдіктің және Қостанай облысының полицейлерінен құралған барлығы он команда қатысты.