Жас таланттар бақ сынасты

Павлодар қаласында өткен сурет көрмесінде 500-ге жуық жас талант өз туындыларын көрермен назарына ұсынды.
Балғын шеберлердің туындылары да әртүрлі жанрды қамтыған. Жас суретші­лер тоқу, тігу, ағаш кесу және металмен жұ­мыс жасау арқылы көркем шығармалар жа­саған. Мықты мамандардан құралған қа­зы­лар алқасына үздіктерді анықтау оңай­­ға түскен жоқ. Дегенмен байқау тү­рін­де өт­кен көрмеде жас талапкерлердің бар­лы­ғы да сый-сия­патсыз қалмады.
«Ағаш, металл және керамика бұйым­дарын көркемдеп өңдеу» аталымында бі­рін­ші орынды Лебяжі ауданының оқу­шы­лары Асхат Жұмаш пен Ернар Егеу­баев жеңіп алды. Павлодар облысы №39 мектеп 5-сынып оқушыларының «Сән­дік-қол­дан­балы өнердің ғажайып түр­лері» ата­лы­мындағы ұжымдық жұмы­сы ең үздік деп бағаланды.
Мұнымен қатар Павлодарда жас өнер­паздардың «Күншуақ» байқауы өткізіл­ді. Бай­қаудың бас жүлдесі «Кереку» қазақ ха­лық аспаптары ансамблі ұжымына бұ­йырды. Бірінші орын «Ұлар» домбыра­шы­лар және «Самұрық» қобызшылар ансам­блі­не берілді. «Күншуақ» фестива­лінде Қазақ­станның барлық облыстары­нан 200-ден астам орындаушы қатысты. Орын­дау­шы­лардың шеберлігін өнер қай­раткерлері мен біліктілі жоғары мамандар бағала­ды. Жас таланттар өздерінің жеңістерін Қазақ­стан Тәуелсіздігінің 20 жылдығына арнады.